Buhari Ba Zai Ƙara Wa'adi Don Magance Matsalar Tsaro Ba, Cewar Garba Shehu

Buhari Ba Zai Ƙara Wa'adi Don Magance Matsalar Tsaro Ba, Cewar Garba Shehu

DAGA Ibrahim Da'u Dayi 

Babban Mai taimakawa shugaban ƙasa na musamman wajen harkokin yaɗa labarai Garba Shehu yayi martani ga Robert Clark. 

Garba Shehu ya ce wannan martani ne ga kalaman wani babban lauya Robert Clarke, wanda a wata hira da Arise TV ta yi da shi a ranar Litinin, ya ba da shawarar cewa shugaban zai iya cigaba da zama a ofis na karin watanni shida don magance rashin tsaro.

A martanin Garba Shehu yace; "Muna so mu sake bayyana cewa shugaban kasa zai sauka daga mulki a ranar 29 ga Mayu, 2023, bayan ya yi wa'adi biyu kamar yadda kundin tsarin mulki ya tanada," in ji Shehu.

Ya ce yayin da Clarke ya yi daidai kan buƙatar tabbatar da tsaron ƙasa, Buhari ba zai kara wa’adinsa ba.

Ya ƙara da cewa, “Kasancewar shi ne wanda ya fara Karɓar mulkin dimokuradiyya daga gwamnati mai ci zuwa dan takarar adawa a tarihin Najeriya, shugaban ya kuduri aniyar fadada tare da ɗora ɗabi'un dimokradiyya a fadin kasar nan.

“Haka zalika, zai mika wa al’ummar Nijeriya damar yi wa al’umma hidima ga duk wanda suka zaba ta hanyar zabe na gaskiya da gaskiya.

“Duk da haka, Cif Clarke ya yi daidai da ya ce idan ba tare da tsaro ba, Najeriya ba za ta iya gane hakikanin iyawarta a matsayin kasa mai zaman lafiya da wadata ba. Shi ya sa ya zama jigon wannan gwamnati.

“Sakamakon yana nan don kowa ya gani, An tilastawa 'yan Boko Haram komawa daga mamaye yankunan kasar nan baki daya. 

Mutanen da ke gudun hijira a cikin gida yanzu suna komawa don sake gina al'ummominsu, An cimma wadannan nasarori ne ta hanyar jajircewa na sojojin Najeriya da kuma jajircewar al’ummar kasarmu.”