Dr Iliyasu Musa Kwankwaso ya shawarci Gwamnan Kano Abba gida gida da ya karbi hukuncin kotun zaben gwamnan jihar Kano hannu bibbiyu

An shawarci gwamnan jihar KANO, Abba Kabir Yusuf da ya amince da hukuncin kotun sauraron kararrakin zaben gwamna da gaskiya, kuma kada ya tunkari kotun daukaka kara ko kuma kotun koli cewa babu gamsasshiyar hujjar soke hukuncin kotun.

 Tsohon kwamishinan karkara da cigaban al’umma, Dakta Ilyasu Musa Kwankwaso, ya bayyana hakan jim kadan bayan kotun ta bayyana Dr Gawuna Yusuf, jam’iyyar APC a matsayin wanda ya lashe zaben a ranar Laraba.

 An kuma bayyana Dr Kwankwaso, jigo a jam’iyyar APC a matsayin wanda ya lashe zaben majalisar wakilai bayan da kotun ta amince da karar da ya shigar a kan Dr Yusuf Datti na jam’iyyar New Nigeria People Party (NNPP) bisa rashin cancantar tsayawa takarar zaben saboda ya kasa yin murabus.  Yin Karatu a Bayero University Kano.

A cewarsa, “Shawarata ga Alhaji Yusuf, gwamnan da ya sha kaye, kada ya saurari duk wanda zai ba shi shawarar ya ci gaba da daukaka kara ko kotun koli.”

 Dokta Kwankwaso ya bayyana cewa nasarar da jam’iyyar APC ta samu aikin Allah ne inda ya kara da cewa “jam’iyyar mu tana da gamsasshiya kuma ba ta da kokwanto.

 A cewarsa, “Shawarata ga dan uwana, tsohon dan takarar shugaban kasa a jam’iyyar NNPP shi ne ya shawarci yaronsa na siyasa, Alhaji Abba Yusuf, kada ya kuskura ya je kotun daukaka kara, sai dai ya hada kan wanda ya yi nasara a kotun don ciyar da jihar gaba”.

 Sai dai ya bayyana cewa duk da cewa Yusuf na da ‘yancin neman hakkinsa a gaban kotu, amma ba zai dace ya ci gaba da barnatar da ‘yan kananan kudaden jihar ba a kan wani aiki da ba za a cimma ba.

 Ya kara da cewa Kano ta kowane dan kasa ce ba tare da la’akari da siyasa ba, inda ya ce zamanin siyasa ya wuce amma kowa ya hada kai da Dr Gawuna don samun nasarar ciyar da jihar gaba.